Hvannadalshnjúkur ......

Það var komin föstudagur og bið eftir ákvörðun ferðafélagsins  hvenær lagt yrði af stað á jökulinn var ekki komin 100%.   Klukkan 14:30 hringdi Palli í mig og sagði að ákvörðun hefði verið tekin ... leggja átti af stað kl 5:00 á laugardagsmorguninn (eftir 13 klst).  Ég hafði aldrei gengið á Vatnajökul hvað þá á hæsta tind Íslands.  Ég er kominn í þokkalegt form, en vigtin hefði mátt vera nær 100 kg (munar 11 kg).                                                                                                                                                                                                                                                                  

Nú var að taka saman græjurnar og koma sér af stað, fyrst austur í Hvolsvöll þar sem Palli og Brynjar biðu með fellihýsi og Patrolinn hans Palla fyrir og síðan áfram austur í Öræfi.   Við vorum komnir í Svínafell í Öræfum kl. 20:00 og fundum okkur góðan stað fyrir fellihýsið.  Það reyndist vera sami staður sem þeir Palli og Brynjar voru á í fyrra.  Fljótlega kom línustjórinn okkar, hann Grétar úr Reynishverfi í Mýrdal með sitt fellihýsi og parkeraði við hliðina á okkar.  Hann hafði líka verið línustjóri Palla og Brynjars í fyrra. Fórum með Grétari um kvöldið og settum upp smá göngubrú yfir læk sem er í gönguleiðinni upp á hnjúkinn.                                                                

Fengum okkur svo orkuríkt nesti og fórum snemma að sofa.   Vekjaraklukkan hringdi kl 4:00 sem okkur fannst ekki of snemmt, en nágrönnum okkar kvennkyns fannst það allt of snemmt!  Veður var mjög gott,  léttskýjað og sólin að koma upp. Lagt var af stað í gönguna rúmlega fimm.   

Fyrst er gengið upp á Sandfell og kallast sú leið Sandfellsleið.  Ferðin gekk mjög vel og þegar komið var upp á jökulinn sjálfann, þá var farið í línur og voru lagðar 10 línur í snjóinn,  hraðasta lengst til hægri og hægasta lengst til vinstri.  Við völdum línuna hans Grétars sem var nr 5, sem þýddi svona miðlungslínu hraði.  Fórum í belti og línan tengd við hvern og einn.  Í hópnum voru fjórir Akureyringar; þrjár stúlkur og einn karlmaður sem hélt utan um feril, hraða og staðsetningu, þá komu tveir flatlendingar, þeir Palli og Brynjar frá Hvolsvelli og Hellu, síðan einn Garðbæingur og undirritaður, eini Reykvíkingurinn sem rak lestina. Línustjórinn, eins og áður segir heitir svo Grétar og kemur úr Mýrdalnum. Áður en við lögðum aftur af stað, fengum við okkur að borða flatkökur og orkudrykki.                                                                                    

Það var alveg ný reynsla að ganga í línu með mann fastan fyrir framan og aftan.   Þetta lærðist fljótt og var bara nokkuð þægilegt að ganga í svona halarófu.  Færið var laust og sukkum við í snjónn sem var nýr.  Farið var rólega af stað til að byrja með en hraðinn aukinn þegar sást í bakið á síðast manni í næstu línu á undan. Seinna fréttum við að stúlkurnar sem voru fremstar í línunni, héldu í raun uppi hraðanum á línunni en ekki línustjórinn eins og við héldum fyrst.

Veðrið var mjöt gott og sáum við tindinn alla leið í 1500m hæð eða þangað til að skýjabakki kom í bakið á okkur með þoku og hríðarbyl.   Útsýnið var ekkert og snjóaði mjög fljótt í förin og nú fyrst fór Grétar að vera með myndastopp með leiðsögn um útsýnið sem við hefðum getað séð.  Hópurinn í línunni var mjög samhentur og var reglulega tekið stopp til að efla andann og kynnast betur. Tekin voru brandarastopp og í einu þeirra komst Brynjar af  því að hann var "lessa" eftir einn frábærann brandara frá Ástu fjallageit.                                                               

Þetta var löng ganga og mjög erfitt að labba í lausum snjónum sem tróðst ekkert. Rétt undir hnjúknum var farið í ísbrodda og ísexin tekin fram.  Fengum okkur nesti og svo var farið upp mjög bratta brekku þar sem maður sökk oft vel upp fyrir hné,  þetta var frekar erfitt en gekk samt og þegar á sjálfann toppinn var komið þá kom í ljós að við vorum fyrsti hópurinn að ná honum. Við höfðum við farið framúr öllum hinum línunum sem voru fyrir framan okkur í byrjun.  Ferðin upp tók okkur 9.5 klukkustund.                                                                        

Ekkert útsýni var af hnjúknum í 9 stiga frosti, stórhríð og roki. Nutum þess samt! Stoppað og pósað fyrir myndatökur og svo var lagt af stað niður eftir mörg húrrahróp fyrir hópnum og hamingjuóskum með "afrekið".                                                                                     

Niðurferðin tók á hjá sumum sem voru með aum hné, en gekk mjög vel og vorum við komin niður eftir 13 klst og 27 mínútna ferð frá því lagt var af stað.

Þegar niður var komið var grillveisla í boði Ferðafélagsins og eftir það fórum við í heita pottinn í Svínafelli og hvíldum lúin bein.  Enginn okkar fékk blöðrur né aðra sýnilega áverka sem oft eru fylgifiskar í ferðum sem þessum.

Mikið var gott að fá sér bjór og setjast í stól og slaka á.   Grétar bauð svo allri línunni í eggjaveislu í fellihýsinu sínu,  egg sem hann hafði sjálfur tínt; fílsegg, svartbaksegg og svartfuglsegg. Höfðingjaveisla.  Mættu allir í línunni nema Garðbæingurinn.  Drykkja var hófi og spjallað um heima og geima fram eftir nóttu.

Ákveðið var að fara aftur að ári og ekki mundi það nú skemma fyrir að vera með sama fólkinu í línu aftur.  Þetta var samhentur og góður hópur. Takk fyrir frábæra samfylgd og ógleymanlega ferð!

 

Sjá myndir á vefslóðinni  www.elfars.net

Hvannadalshnjúkur

   

  

Eftirfarandi tilkynning var á www.fi.is 

nú er maður orðinn nokkuð spenntur að fara á hnjúkinn ......

Ferð FÍ á Hvannadalshnjúk hefur verið frestað til sunnudags og verður gengið af stað á sunnudagsmorgni kl. 04. 

Eftir að hafa skoðað vandlega verðurspár og rætt við veðurfræðinga er ljóst að útlitið fyrir sunnudaginn er mun betra en fyrir laugardaginn. Vindur verður þónokkur á laugardag en síðan lægir á sunnudagsmorgun.  

Lagt verður af stað frá Sandfelli kl. 4:00 á sunnudagsmorgun.

 

 

"Jólastemming" í Jarðböðunum í Mývatnssveit um páskana.

      Fórum á föstudaginn langa í Jarðböðin í Mývatnssveit.  Þetta ferðalag hafði verið lengi á döfinni til að skoða þessa "paradís".  Urðum fyrir vonbrigðum því enn voru uppihangandi jólakransar með ljósum í gluggum og úti í lóninu sjálfu var beyglað jólatré með um 60% ljósa logandi!  Húsvörðurinn eitthvað ekki með á nótunum.

      Það var virkilega sorglegt að sjá þetta á sjálfan föstudaginn langa.

      Annars var laugin fín og aðstaðan allt í lagi.   Ég hélt samt að það væri meiri kýsill í vatninu eins og í Bláa Lóninu,  Þetta var bara tært hveravatn!

     

Ítrekað aðalfundarboð Veiðibræðra. http://www.veidi.org/

 

Sælir

Ég ætla að hnýta fluguna um helgina  og skal taka mynd af fyrstu útgáfu "Gláms"  og senda ykkur.

Aðalfundarstaðurinn er ennþá á huldu.

Það fer eftir  því hvað margir mæta.

Brynjar, Skúli,  Aron, Ómar og Ari eru þeir einu sem hafa sýnt einhver viðbrögð við aðalfundarboðinu, annars hefur ríkt "Grafarþögn " um málið

Nú verður gert nafnakall.

 

Elfar mætir

Skúli mætir

Aron mætir

Brynjar mætir

Óðinn mætir

Ómar mætir ekki

Jónas mætir

Ari mætir

Einar mætir ekki eða stutt

Gunnar mætir

Ingó mætir

 

Ef þetta er réttur fjöldi,  9 manns, þá mun ég senda út staðsetningu aðalfundarins eftir helgi.

Þetta er sko spurning um veitingar á aðalfundarstað!

 

Kv

elfar

Nafnið á flugunni er Glámur (gleraugna"glámur")

Uppskrift að flugu ársins 2007.      
       
 Nafnið á flugunni er Glámur  (gleraugna"glámur")      
       
Streamer. Langur leggur   einkrækja eða tvíkrækja      
       
       
Stél:       Rauð hár (íkorna eða hrossa) eða rauð fjöður (samræmi  í stéli og skeggi).   
Búkur:    Blár  tinsel eða ull      
Vöf:        Gyllt vöf frekar grant..      
Kúlur:     2 stk af gull kúlupari (má vera króm) staðsett langsum á legg við stél og við auga. (ekki hefðbundið) 
Skegg:   Rauð hár (íkorna eða hrossa) eða rauð fjöður (samræmi  í stéli og skeggi). Fá en löng.  
Vængur: Frjálst  (Glimmer þræðir skipt í miðju sitt hvoru megin við fremri kúlurnar.  Gull eða hvitir glansandi   má vera loðin….)
       
 Gangi ykkur vel       

Aðalfundur Veiðbræðra

Sælir félagar

Búið er að grafa upp skipurit félagsins varðandi fundi, matarboð og verðlauna afhendingar.

Dagsetning aðalfundar er föstudagskvöldið 27 apríl.

Staður verður ákveðinn síðar.

Dagskrá verður send síðar en dagskrár-tillaga  fylgir!

Óskað er eftir tillögum frá  félögum um dagskrárliðinn  “önnur mál”  

með góðum fyrirvara fyrir aðalfundinn (1 vika) .                                                                               

Matur 2004= Jónas og synir                      Aðalfundur  2009                Bikarfundur 2007

Matur 2005= Óðinn og Ómar                     Aðalfundur  2008                Bikarfundur 2006

Matur 2006=Elfar og Skúli                         Aðalfundur  2007                Bikarfundur 2005

Matur 2007=Aron og Ingó                          Aðalfundur  2006                Bikarfundur  2004

Matur 2008=Brynjar og Gunnar                  Aðalfundur  2005                Bikarfundur 2008

  Dagskrá. 

Fundur settur.

 

Fundarstjóri skipaður.

 

Skýrsla stjórnar.

 

Fjármál félagsins kynnt.

 

Brósa Bikarinn afhentur.

 

Verðlaunaflugunni veitt verðlaun (tæknilegar upplýsingar um fluguna verða send síðar)

 

Matseðill veiðivatna kynntur og afhentur félögum.  (aron og Ingó)

  

Önnur mál:

Aflastjóri afhendir skýrslu um veiði undanfarinna ára í veiðivötnum og má gjarnan bera saman verð veiðileyfa milli ára.

Árið  2000 kostaði dagurinn 1000 kr  en árið 2007 kostar dagurinn 7500 kr

Mikil hækkun samfara minnkandi urriðaveiði.

 

Tillaga að leggja niður heimasíðu félagsins og í stað þess stofni félagar blogg síðu um veiði!

 

Tillaga að leggja niður árgjald félagins og endurgreiða félögum þar sem tilgangur félagsins er ekki að safna auði.

Leggja dósasjóð niður og gefa andvirðið til góðs málefnis,

  

Fundi slitið.

 

Aðalfundastjórnin.

 

Fyrirhugað veiðiplan í veiðivötnum.

Við byrjum að veiða þriðjudaginn 26 og endum 29 júní á föstudegi,

Verð á stöng er 7500 * 3 = 22500

Verð á gistingu 6500 * 3 = 19500 / 11 = 1772,27 eða 1773 miðað við að við verðum 11.

 

Fékk ekki hreindýr í fyrsta úrdrætti

Póstur sem ég fékk á mánudagskvöld varðandi hreindýraumsókn mína.

 elfar

 

Dregið var úr innsendum umsóknum um hreindýraveiðileyfi þann 19.

febrúar sl. Fjöldi leyfa var 1.137 og fullgildar umsóknir sem bárust voru 2.634. Af þeim fengu 1.137 úthlutað dýri í fyrstu umferð.

Því miður fékkst þú ekki úthlutað dýri í fyrstu tilraun. Af þeim sem sóttu um hreinkú á svæði 8 varst þú númer 55 en kvótinn var 25 dýr. Þetta þýðir að 29 eru á undan þér í röðinni

Staðfestingargjald verður að greiða fyrir 1. apríl en eftir þann tíma verður úthlutað þeim leyfum sem eftir standa.Gera má ráð fyrir að hluti af leyfunum komi aftur í sölu og verða þá seld þeim sem eru næstir í biðröð og síðan þeim sem voru með umsókn til vara á viðkomandi svæði. Þú munt fá sent bréf um úthlutun um miðjan apríl ef umsókn þín hefur verið afgreidd á þann hátt. Verklagsreglur úthlutunar eru á vefslóðinni http://www.hreindyr.is ef þú vilt kynna þér þær nánar.

Með bestu kveðju,

 

Veiðistjórnunarsvið Umhverfisstofnunar

Umókn um hreindýr send til www.ust.is

Þá er ég búin að senda inn veiðiskýrslu vegna ársins 2006 til www.ust og sækja um hreindýr á svæði 8.

Það gekk erfiðlega að fylla út veiðiskýrsluna hjá www.ust.is  vegna þess að  stanslaust voru að opnast nýjir gluggar.... vona að umsóknin um hreindýrið hafi skilað sér.